Аңдатпа
Бұл зерттеу университеттің негізгі стратегиялық құжат – Университетті дамыту бағдарламасын әзірлеудегі бағыттарын зерттеуге арналған. Зерттеудің мақсаты – университеттің стратегиялық бағыттары мен болашағын анықтауда университет қызметкерлерінің қажеттіліктері мен басымдықтарын анықтау. Персоналдың университеттің стратегиялық бағыттары мен даму жолдарын анықтау процесіне қатысуы стратегиялық жоспарлаудан дұрыс шешімдер қабылдауға және барынша әсер етуге, сайып келгенде алға қойылған мақсаттарға жетуге ықпал етеді. Зерттеу әдіснамасы Қазақстан Республикасының Батыс аймағындағы ауыл шаруашылығы, құрылыс, машина жасау, энергетика, мұнай және газ, экономика секторлары үшін мамандар дайындайтын көпсалалы жоғары оқу орындарының бірінің әкімшілік-басқару персоналы мен профессорлық-оқытушылар ұжым арасында сауалнама жүргізуден тұрады. Мәліметтерді жинау сауалнаманың екі кезеңінен тұрады (анкета жабық және ашық сұрақтарды қамтыды; кейбір сұрақтар бойынша бір респонденттен бірнеше жауап қабылданды). Зерттеу сонымен қатар топтық жұмыс түрінде фокус-топтарды құруды және форсайт сессияны қамтыды, бұл университетті дамыту бағдарламасына енгізу үшін ең перспективалы жобаларды анықтауға мүмкіндік берді. Зерттеудің бірегейлігі / құндылығы. Қазіргі динамикалық жоғары білім беру жағдайында академиялық жетістіктерді қамтамасыз ету ғана емес, сонымен қатар білім беру ортасының үнемі өзгеріп отыратын талаптарына тиімді бейімделу маңызды. Бұл тұрғыда қызметкерлердің қажеттіліктері мен басымдықтарын білу университеттің стратегиялық бағыттары мен болашағын анықтауда басты рөл атқарады. Зерттеу нәтижелері. Ғылыми қызметкерлердің жақын болашақта алдына қойған міндеттерін бағалауға ерекше көңіл бөлінеді. Алынған нәтижелер университеттің даму бағдарламаларын стратегиялық жоспарлау және әзірлеу процесіне қызметкерлердің қатысуының маңыздылығын көрсетеді.
Түйін сөздер
стратегиялық даму, менеджмент, қызметкерлердің талаптары, университет, сапа, білім, стратегиялық көзқарас.