Аңдатпа
Мақалада Қазақстандағы кәсіптік біліктіліктерді тану жүйесі адами капиталдың сапасын арттыру және кадрларды даярлаудың еңбек нарығы талаптарына сәйкестігін қамтамасыз ету құралы ретінде зерттеледі. Заңнаманы, Career Enbek платформасының деректерін және OECD, ILO, World Bank және CEDEFOP зерттеулерін талдау негізінде жүйенің дамуы және 2024–2026 жылдардағы Кәсіптік біліктіліктерді тану орталықтары желісінің динамикасы қарастырылды. Кәсіптік біліктіліктерді тану еңбек нарығындағы ақпараттық асимметрияны төмендететініне, қызметкерлердің еңбек мобильділігін арттыратынына және экономиканың қажеттіліктерін ескере отырып, кадрлар даярлау сапасын жетілдіруге ықпал ететініне негіздеме жасалды.
Түйін сөздер
кәсіби біліктіліктер, Ұлттық біліктілік жүйесі, адами капитал, еңбек нарығы, кәсіптік стандарттар, біліктіліктерді тану, дағдылардың сәйкессіздігі, білім беру, еңбек өнімділігі, Қазақстан.