Аңдатпа
Мақалада цифрлық технологиялар мен жасанды интеллекттің (ЖИ) экономикадағы рөлі қарастырылады. Тұрақты экономикалық өсуді қамтамасыз ететін мультипликатор ретінде әрекет ететін адами әлеуетті қалыптастырудың негізгі тетіктері болып табылатын білім мен ғылымның дамуына ЖИ-дің ықпалы зерттеледі. ЖИ-ді білім беру қызметіне интеграциялаудың негізгі бағыттары айқындалған. Білім беру ортасындағы заманауи сын-қатерлер жағдайында ЖИ-ді пайдаланудың артықшылықтары мен тәуекелдеріне, сондай-ақ болып жатқан өзгерістер мен IT-технологиялардың академиялық еркіндіктің дамуына әсеріне ерекше назар аударылады. Осы тұрғыда киберқауіпсіздік, дербес деректерді қорғау және цифрлық құзыреттерді дамыту маңызды факторларға айналады. Зерттеудің мақсаты ғылыми-білім беру экожүйесін дамытудағы цифрлық құрал ретінде ЖИ-дің рөлін анықтау болып табылады. ЖИ-ді білім беру қызметіне интеграциялаудың негізделген модельдерін әзірлеу оны білім беру үдерісіне тиімді енгізудің негізгі аспектісі болып табылады. Бұл технологиялық инновациялар, этикалық қағидаттар және жоғары сапалы білім беру арасындағы теңгерімді қамтамасыз ету үшін маңызды. Қойылған мақсатқа қол жеткізу үшін білім берудің заманауи цифрлық трансформациясы, ЖИ-ді қолдану, IT-технологиялардың оқыту үдерісіне ықпалы және ЖИ-ді пайдалануға байланысты тәуекелдер қарастырылып, сонымен қатар ЖИ-ді білім беру ортасына интеграциялаудың тиімділігі негізделді. Мақалада қазіргі жағдайда білім беру экожүйесінің цифрлық трансформациясының негізгі элементі ретінде ЖИ кешенді түрде зерттеліп, цифрлық трансформацияның технологиялық, ұйымдастырушылық, педагогикалық және басқарушылық үдерістерін қамтитын интеграцияланған тәсіл қолданылған. Зерттеудің практикалық маңыздылығы алынған нәтижелерді университеттер мен білім беру платформаларының цифрлық даму стратегияларын әзірлеуде, сондай-ақ профессор-оқытушылар құрамы мен зерттеушілердің ЖИ технологияларын қолдану саласындағы біліктілігін арттыру бағдарламаларын әзірлеуде пайдалану мүмкіндігімен айқындалады.
Түйін сөздер
жасанды интеллект, цифрлық трансформация, цифрлық құзыреттер, IT-технология, адами әлеует, экономикалық өсу