Аңдатпа
Цифрландыру үдерістері білім беру саласын трансформациялап, жасанды интеллектіні енгізуге және оқытудың жаңа тәсілдерінің қалыптасуына ықпал етуде. Бұл өз кезегінде дербестендірілген бейұмделмелі жүйелер арқылы оқу нәтижелерін арттыру мүмкіндіктерін зерттеудің өзектілігін айқындайды. Мақаланың мақсаты – жасанды интеллектінің білім беру үдерістеріне ықпалын және дербестендірілген бейімделмелі оқыту жүйелерінің академиялық жетістіктерді арттырудағы тиімділігін бағалау. Авторлар шетелдік және отандық зерттеушілердің жасанды интеллектіні білім беру саласында қолдану және оның оқу үдерісін дараландыруға әсері жөніндегі ғылыми көзқарастарына талдау жүргізді. Оқытуды жекелендірудегі бейімделмелі технологияларды қолдануды бағалауға, олардың даму перспективаларына, сондай-ақ оң және теріс салдарларына ерекше назар аударылды. Мақалада «жасанды интеллект», «дербестендірілген оқыту» ұғымдарын қарастыратын отандық және шетелдік ғылыми әдебиеттерге жүйелі шолу жасауға негіздерген сапалық зерттеу әдіснамасы қолданылды. Зерттеу барысында үш дерекқор пайдаланылды: WOS, Scopus, РИНЦ. Мақала авторлары білім беру жүйесіне жасанды интеллектіні енгізу және оның оқу нәтижелерін жақсартуға ықпалы мәселелеріне арналған соңғы ғылыми зерттеулер бойынша жан-жақты ақпарат ұсынды. Сонымен қатар, білім беру саласына жасанды интеллектіні енгізуге әсер ететін факторлардың өзара тәуелділігіне бағалау жүргізілді. Мақалада ұсынылған жасанды интеллект әдістері мен оларды жүзеге асыратын бағдарламалық алгоритмдерді, сондай-ақ білім беру саласында жасанды интеллектіні енгізу деңгейін бағалау индекстерін талдау 2035 жылға дейінгі бейімделмелі оқыту жүйелерінің негізгі даму үрдістерін болжауға негіз болды. Білім беру саласының цифрлық трансформациясы жағдайында оқыту сапасын арттыруға және басым міндеттерді шешуге бағытталған жасанды интеллектіні білім беру жүйесіне енгізу үдерісін оңтайландыру бойынша ұсынымдар әзірленді.
Түйін сөздер
Оқыту сапасы, білім беру саласының цифрлық трансформациясы, жасанды интеллект, дербестендірілген оқыту, бейімделмелі жүйелер, оқу нәтижелері, EdTech, машиналық оқыту, деректерді талдау.