Мақалада білім беру ұйымының имиджін болжау мен басқарудың экономикалық аспектілері қарастырылады. Позитивті имидж студенттерді тартуға, қаржылық көрсеткіштерге және рейтингтегі орынға тікелей әсер ететіні көрсетіліп, имидждік іс-шаралардың тиімділігін болжау үшін аналитикалық әдістерді қолдану қажеттілігі негізделеді. Зерттеудің мақсаты - білім беру ұйымының имиджін басқарудың экономикалық әсерін бағалау және болжау тәсілін әзірлеу. Зерттеуде жүйелік және жобалық тәсілдер, сауалнама, талдау және синтез әдістері, сондай-ақ Марков тізбектеріне негізделген математикалық модельдеу қолданылды; өту ықтималдықтарын есептеу үшін сараптамалық әдіс, модельді тексеру үшін Монте-Карло әдісі пайдаланылды. Имидждік іс-шаралардың экономикалық негізділігін дәлелдеуге және модельдеу нәтижелерін стратегиялық басқаруға енгізуге мүмкіндік беретін болжау құралы ұсынылды. Зерттеу нәтижесінде имидж қабылдау динамикасын сипаттайтын Марков моделі құрылып, оның эксперименттік верификациясы жүргізілді, бұл мақсатты іс-шаралардың позитивті имиджді қалыптастыру ықтималдығын айтарлықтай арттыратынын және ұйымның экономикалық тұрақтылығын нығайтатынын растады.

білім беру ұйымының имиджі, болжау, экономикалық тұрақтылық, бәсекеге қабілеттілік, стратегиялық басқару, Марков моделі.