Мақалада Қазақстандағы туристік бизнестің қазіргі жағдайы талданады. Даму талдауының негізінде қазақстандық туризм секторының қызметіндегі негізгі проблемалар анықталып, оларды жою бойынша ұсыныстар берілді. Ғылыми мақаланың мақсаты – проблемаларды анықтау, Қазақстандағы туризм индустриясын дамыту бойынша ұсыныстарды негіздеу және әзірлеу. Бұл мақаланың ғылыми-тәжірибелік маңыздылығы зерттеу нәтижелеріне сүйене отырып, еліміздегі туристік индустрияны жетілдіруге ықпал ететін бағыттарды қалыптастыруда. Зерттеу әдістемесі теориялық, эмпирикалық, жалпы логикалық әдістер, соның ішінде трендтік талдау, синтез, жалпылау, салыстыру және абстракция болды. Жұмыста ішкі туризмнің әртүрлі түрлері бойынша зерттеулер жүргізілді. Туризм саласындағы компаниялардың дамуындағы маңызды салалық проблемалар ұсынылатын қызметтердің көлемі, меншік түрлері бойынша орналасуы, кәсіпорындардың көлемі, еліміздің қалалары мен ауылдарындағы санаттары сияқты параметрлерді талдау негізінде анықталды. Жұмыста сонымен қатар туристік салада жұмыспен қамтылғандар санының көрсеткіштері және қызметтің әртүрлі түрлері бойынша орташа айлық атаулы жалақы деңгейі талданады. Осы мақаладағы зерттеудің негізгі нәтижелері: - қазіргі заманғы нарықтық тенденцияларды ескере отырып, туристік индустрияны дамыту мен қолдаудың тиімді құралдарын құру қажеттілігі қарастырылды; - туристік нысандарды инфрақұрылыммен қамтамасыз ету қажеттілігі анықталды; - ұсынылатын туристік қызметтердің сапасын арттыру қажеттілігі анықталды; - саланың кадрлық әлеуетінің сапасы мен кәсіпқойлығын арттырудың орындылығы мәселесі көрсетілген; - туризм саласындағы мемлекет пен кәсіпкерліктің өзара іс-қимылын одан әрі күшейту шаралары ұсынылды; Зерттеудің құндылығы жинақталған статистикалық ақпаратты жалпылау мен талдауда және оның негізінде жаңа нақты жағдайда туристік бизнестің алдында тұрған негізгі проблемаларды анықтауда.

туристік қызмет, туристік индустрия, туристік өнім, туристік ағым