Аңдатпа
Мақала Қазақстан өңірлерінің инвестициялық тартымдылығы мәселелеріне және олардың теңгерімді экономикалық дамуына ықпал ететін құралдарды талдауға арналған. Авторлар елдегі инвестициялық ахуал деңгейін арттыру мәселелері бойынша шетелдік және отандық дереккөздерге шолу жасады. Зерттеудің мақсаты Қазақстанның инвестициялық ахуалын зерделеу және кластерлік тәсілді қолдана отырып, өңірлердің инвестициялық тартымдылығын бағалау болып табылады. Зерттеу әдістері инвестициялық тартымдылық деңгейі бойынша аймақтарды топтастыру үшін кластерлік тәсілді қолдануды, аймақтар бойынша инвестициялық ағынның статистикалық талдауды және салыстырмалы талдауды қамтиды. Авторлар жалпы Қазақстан бойынша да, өңірлер бойынша да инвестициялық салымдарға талдау жүргізді. Зерттеудің өзіндік ерекшелігі экспорттық бағдарлануды және салалық мамандануды ескере отырып, өңірлердің инвестициялық әлеуетін интеграциялау үшін кластерлік тәсілді қолдану болып табылады. Қазақстан өңірлерінің инвестициялық тартымдылығын бағалау үшін кластерлік тәсілді қолданудың орындылығы негізделген, бұл сандық көрсеткіштерді ғана емес, өңірлердің салалық ерекшелігін де ескеруге мүмкіндік береді. Олардың инвестициялық тартымдылығын арттыру үшін практикалық шараларды ұсына отырып, негізгі кластерлер бөлінді. Зерттеу нәтижелері инвестициялардың ірі мегаполистер мен шикізат аймақтарында шоғырланғанын көрсетеді, ал аз дамыған аймақтар қосымша ынталандыруды қажет етеді. Кластерлік тәсілді қолдану бәсекелестік бизнес-ортаны құруға және өңірлердің ерекшеліктерін ескере отырып, экономиканың түрлі секторларына инвестициялар тартуға мүмкіндік береді.
Түйін сөздер
инвестициялық тартымдылық, өңірлер, тікелей шетелдік инвестициялар, кластерлік аймақтар, мемлекеттік-жекешелік әріптестік, инвестициялық ахуал, өңірлердің теңгерімділігі.